100.5FM Radio Laeveld PODCAST
As dit in die Laeveld gebeur is dit op jou radio, 100.5FM familie Radio Laeveld in Mpumalanga, Suid Afrika.
Sonop gaan Bos: Ep. 4
Elke Woensdagoggend kuier Sonop Ontbyt in die bos en gesels oor bewaring. Deon Cilliers van Cheetah Outreach Trust vertel hulle meer oor die bewaring van vrylopende jagluiperds. "Wêreldwyd is daar slegs sowat 7 000 oor, waarvan 70% buite bewaringareas voorkom."
Straatdebat: Watter bygelowe het jy?
Het jy bygelowe en waar kom dit vandaan? Loop jy onderdeur lere en hoekom nie? Amanda gaan vind uit wat beteken dit as jou portrette skeef hang, daar 'n wilgeboom in jou tuin groei of daar slange in jou drome verskyn.
Oe-ê-ê Deloris: Boer vooruit met 'n lykswa
Deloris kan darem maar skinder! Vandag vertel sy hoe Mathilda se motorwerktuigkundige man haar per abuis 'n baie goeie idee gegee het vir haar eie sakeonderneming.
Hoe nou gemaak om jou tuin weer op te kikker?
Dit is April en 100.5FM sit die "L" terug in Lekker Leef in die Laeveld. Charles het gaan kers opsteek by Elrin Faurie, 'n plaaslike tuinboukundige, oor hoe om jou tuin te vernuwe.
GRIP Survival 101: Ep. 5
GRIP se Ntombifuthi Sambo staan ook bekend as die Koningin van die Hof. Sy gesels saam met Tarryn Lokotsch, die uitvoerende beampte van GRIP, met Johanné Strydom in die vyfde aflewering van GRIP “Survival” 101 op 100.5FM.
Groot skoonmaakaksie in Nelspruit Vrydag
'n Groot skoonmaakaksie word Vrydag weer gehou in die middedorp en ingangsroetes na Mbombela (Nelspruit). Dit word deur Ehlazeni-distriksmunisipaliteit gedryf met die Kruger-Laeveld-sakekamer (KLCBT) wat dit koördineer. Die span van We Care 4 Nelspruit sit ook hand by. Die hele gemeenskap is genooi om saam te werk. Linda Grimbeek gesels…
Sonop gaan Bos: Ep. 3
Sonop Ontbyt kuier elke Woensdagoggend in die bos. Hulle het vanoggend gesels met Martial Rappo van Moholoholo Rehabilitasiesentrum oor die bewaring- en opvoedingstaak wat hulle verrig.
Straatdebat: Sit die "L" terug in Lekker Leef in die Laeveld
Wat bring jou vreugde? Amanda vra mense uit oor die liedjies, kos en eerste-dinge-in-die-oggend wat Laevelders vreugde en genot besorg.
Sonop gaan Bos: Ep. 2
Vir die volgende drie maande gesels die Sonop Ontbyt-span elke Woensdagoggend oor bewaringsprojekte. Andries Hendrik Potgieter van Toerbroers gesels met Gerhardt en Andri oor renosters en hoe emosioneel dit is om hulle te onthoring - hoewel dit noodsaaklik is om hulle te red.
Sonop gaan Bos: Ep. 1
Vir die volgende drie maande gesels die Sonop Ontbyt-span elke Woensdagoggend oor bewaringsprojekte. Andries Hendrik Potgieter en Wiaan Fourie, ook bekend as Toerbroers, is by toerisme en natuurbewaring betrokke en fokus veral op die behoud en beskerming van bedreigde spesies. Hulle gesels met Gerhardt en Andri.
Musiekdebat: Helene Bester
Helene Bester gesels hierdie week met Amanda oor haar passie vir musiek, haar liefde vir Nana Mouskouri en die dinge wat haar vreugde gee. #Musiekdebat
GRIP Survival 101: Ep. 4
Ntombifuthi Sambo is passievol oor die vaardigheidsontwikkelingsprogram wat GRIP aanbied. Dit is daarop gemik om vroue te help om finansieel onafhanklik te word. Sy gesels saam met Tarryn Lokotsch, die uitvoerende beampte van GRIP, met Johanné Strydom in die vierde aflewering van GRIP "Survival" 101 op 100.5FM.
GRIP Survival 101: Ep. 3
Baie vroue vermy dit om huishoudelike geweld aan te meld, wat waarheen gaan hulle dan? GRIP het egter skuilings beskikbaar vir vroue wat dit benodig, waar jy tot ses maande kan bly. Tarryn Lokotsch, die uitvoerende beampte van GRIP, gesels saam met Gugu Mapanga, ‘n hulp-maatskaplike werker by ‘n plaaslike…
Straatdebat: Sit die "L" terug in #Lekkerleef
Hierdie maand sit 100.5FM die "L" terug in "Lekker Leef" en ons wil weet hoe lekker jy leef in jou huis? Denise het gaan uitvind of mense verkies om plekke te huur of te besit, of hulle troeteldiere het en selfs toe lyk hul binnekamers…
Oe-ê-ê Deloris: Ek is nie 'n oggendmens nie
Deloris weet wat sy is, en wat sy nie is nie. Wat sy nie is nie, is 'n oggendmens.
Musiekdebat: Drömstorm
Ontmoet vir Drömstorm. Hy gesels met Amanda. #Musiekdebat
Laeveld Ervaring: Wat jy nie wil hoor nie, maar moet
As jy hoor wat jy wil, luister jy nie, sê Linda Grimbeek van die Kruger-Laeveld-sakekamer. Haar raad vir sakemense is nie goed wat hulle aldag wil hoor nie, maar moet. Alles is heeltyd besig om te verander. Wat in die verlede gewerk het, tel nie meer nie. Jou reaksie op…
Straatdebat: Botter of margarien?
Die debat of margarien of botter meer gesond is woed voort. Beide het voordele en nadele vir jou gesondheid, maar watter een kielie jou smaakkliere? Amanda gaan vind uit.
Oe-ê-ê: Deloris vertel van Oom Gerald se tanne
Oom Gerald het net jou die dag te lekker in die see geswem, maar dit het hom duur te staan gekom. Deloris vertel.
Musiekdebat: Pieter Rischmuller
Pieter Rischmuller gesels hierdie week met Amanda oor sy transformasie van Piet Pompies na Pieter Rischmuller. Hy sê dit was 'n jarelange proses, en hoewel hy nie verander het nie, word nou 'n bietjie ernstiger opgeneem. Hulle gesels ook oor hul gedeelde liefde vir die Bosveld.