Sonop Gaan Bos
Sonop gaan Bos elke Woensdagoggend en gesels met rolspelers wat betrokke is by natuurbewaring in die Laeveld.
Sonop gaan Bos met Junior Ereveldwagters
Die SANParke Ereveldwagters bied eersdaags 'n leerskool aan vir voornemende junior Ereveldwagters om te leer hoe om die natuur te help bewaar. Chris Daniel van die Ereveldwagters sê dit is gemik op kinders van tussen 12 en 18 jaar oud. Hy gesels met Gerhardt.
Sonop gaan Bos met strikke in die wildtuin
Strikke is 'n baie groot probleem in die Krugerwildtuin. Jacques Malan can die SANParke Ereveldwagters gesels met Gerhardt oor wat hulle doen om hierdie probleem aan te spreek.
Sonop gaan Bos met indringerplante: Deel 2
Om indringerplante in die Krugerwildtuin te probeer beheer is nie soos om bossies op jou grasperk uit te roei nie. André Bestbier van die SANParke Ereveldwagters fasiliteer werksessies teen die indringerplante. Hy gesels met Sonop Ontbyt.
Sonop gaan Bos met rehabilitasie van wildlewe
Mense het oor die algemeen 'n onnodige geneigdheid om in te meng met die natuur. "Moenie beseerde diere voer of water gee nie, hou hulle net warm en veilig en bel ons 'of 'n plaaslike veearts," sê Anneke van Schoor van Wild and Free Rehabilitasiesentrum vir wildlewe. Sy gesels met…
Sonop gaan Bos met indringerplante
Saterdag hou die SANParke Ereveldwagters Boomplantdag by die inheemse kwekery in Skukuza. Karel de Beer gesels met Sonop Ontbyt oor die bedreiging wat indringerplante vir die Krugerwildtuin ekosisteem inhou en wat die veldwagters doen om dit te bekamp.
Sonop gaan Bos met leerling veldwagter
Carl Munster was 'n stadseun van Johannesburg voor hy homself in die wêreld van natuurbewaring begewe het. Hy vertel vir Sonop Ontbyt oor sy reis tot hier en hoekom hy nooit weer teruggekyk het nie.
Ereveldwagters stel 'BeeWise Trail' bekend
Die SANParke Ereveldwagters het ‘n bestaande speelarea by die inheemse kwekery in Skukuza omskep om ook ‘n interaktiewe, leersame area vir kinders te skep. Die koördineerder van die kwekery, Laetitia Fourie, sê baie besoekers aan die Krugerwildtuin is onbewus van hierdie versteekte juweel. Hulle noem dit die “BeeWise Trail”.
Sonop gaan Bos met strikke
Die stel van strikke het 'n enorme impak op die Krugerwildtuin Die SANParke Ereveldwagters help om dit te verwyder. Johan Willemse sê selfs predatore word vir moetie geteiken. Hy gesels oor die strik stel patrone wat hulle in die bos waarneem.
Sonop gaan (volhoubaar) Bos
Laetitia Cronje van Campfire Academy is besig met haar nagraadse studies in volhoubare toerisme. Sy gesels vanuit Hoedspruit met Sonop Ontbyt oor hoe Suid-Afrikaners beter na hul eie omgewing kan begin omsien.
Sonop gaan Bos met veldgidse
Veldgidse se kwalifikasies is gespesialiseer en is area-gebonde. JC Strauss van Eco Ranger Academy verduidelik vir Andri wat jongmense alles moet weet om hulle in hierdie veld te kwalifiseer.
Sonop gaan Bos met renosterwesies
Care for Wild Rhino Sanctuary red renosters wat wees gelaat is deur stroping en maak hulle groot. Hulle neem ook groot, beseerde renosters in en rehabiliteer hulle. Stigter, Petronel Nieuwoudt, gesels met Sonop Ontbyt oor die wêreld se grootste renosterweeshuis en al die ander dierspesies wat hulle beskerm.
Sonop gaan Bos met Bonsai
Bonsai is nie net 'n heerlike stokperdjie nie, dit is ook 'n kunsvorm. "Eerstens moet jy ‘n potplant aan die lewe kan hou," sê Tola Smit van die Nelspruit Bonsai Kai. Hy gesels met Sonop Ontbyt.
Sonop gaan Bos met aasvoëls
Sonop Ontbyt gesels met Gareth Tate oor hierdie bedreigde spesie en die noodsaaklike rol wat aasvoëls in die ekosisteem speel.