100.5FM Radio Laeveld PODCAST
As dit in die Laeveld gebeur is dit op jou radio, 100.5FM familie Radio Laeveld in Mpumalanga, Suid Afrika.
Musiekdebat: Nicholis Louw
Die gewilde Nicholis Louw gesels met Amanda oor bemarking, sosiale media, mikrofone en nog wat.
Musiekdebat: Anne-Mari White
Het radio nog 'n rol te speel in 'n kunstenaar se musiekloopbaan? Amanda gesels met plaaslike sangeres Anne-Mari White oor haar loopbaan.
Straatdebat: Vakansietyd
Verkies jy die see of die bos? Denise vind uit watter vakansiebestemmings Laevelders verkies.
Musiekdebat: Jakkie Louw
Soos baie ander kunstenaars verkies Jakkie Louw deesdae om eerder 'n enkelsnit op te neem as 'n hele CD. Hy gesels met Amanda oor sy loopbaan.
Straatdebat: Wat is in jou kosblik?
Hulle sê ontbyt is die belangrikste ete van die dag - maar wat van al die etes daarna wat meestal nie by die huis geëet word nie. Denise loer onder die deksel van Laeveld kosblikke.
Musiekdebat: Natascha C
Die plaaslike sangeres Natascha C gesels met Denise oor wat dit verg om 'n suksesvolle musiekloopbaan te bou en te behou.
Straatdebat: Gaan mense nog fliek toe?
Wanneer laas was jy in 'n rolprentteater? Denise ondersoek hoe mense deesdae verkies om vermaak te word.
Straatdebat: Hoe raak beurtkrag jou?
Beurtkrag is 15 jaar gelede vir die eerste keer ingestel. Hoe het mense al daaraan gewoond geraak en hul leefstyl daarvolgens aangepas? Denise vind uit.
Straatdebat: Braai
So net voor die naweek, vra Denise Laevelders uit oor hul braaigewoontes: Wat braai hulle, hoe en wat is die gewildste bykosse?
Straatdebat: Aanlyn-speletjies - Wat speel jy?
Aanlyn-speletjies is gewild onder mense van alle ouderdomme en geslagte. Wat speel jy en hoe gereeld? Denise het rondgevra.
Straatdebat: Hoe het jy Vroudedag gevier?
Elke jaar vier Suid-Afrikaners op 9 Augustus Vrouedag. Denise het gaan uitvind hoe verskillende vroue (en hul gesinne) dit vier.
Straatdebat: Bokkoors loop hoog voor historiese All Black-toets
Die Groen en Goud-gees warm op in die Laeveld voor die Springbokke hul eerste toets teen die All Blacks by Mbombela-stadion speel op 6 Augustus. Denise neem die temperatuur.
Straatdebat: Die All Blacks is op pad na Mbombela-stadion
Die All Blacks speel volgende week, op 6 Augustus, vir die eerste keer ‘n toets in Mbombela. Mireille het by ‘n paar plaaslike rugbyondersteuners gaan uitvind hóé baie hulle na hierdie Springbok-kragmeting uitsien.
Straatdebat: Terug hok toe na die winter skoolvakansie
Die winter skoolvakansie is lank, en kan ouers (en kinders) teen die mure uitdryf. Hoe baie sien Laeveldse kinders daarna uit dat die skole heropen? Denise het gaan uitvind.
Pelgrimsrus: Die enigste lewende museum in Suid-Afrika
Pelgrimsrus is 'n finalis in die Kwêla Dorp van die Jaar-kompetisie en jy het slegs tot Vrydag 12:00 om vir hulle te stem. Stuur 'n SMS met "Pelgrimsrus" na 33157 en help om dié eer Laeveld toe te bring. Luiester hier na wat hierdie unieke dorp dorp so spesiaal maak.
Straatdebat: Protesoptrede ontwrig die Laeveld
Sporadiese, volgehoue protesoptrede het op 6 en 7 Julie 2022 die Laeveld erg ontwrig. Denise het met plaaslike sakeondernemings gesels oor hoe dit hulle geraak het.
Straatdebat: Kinders sê wat hulle tydens skoolvakansies doen
Skoolvakansie is nie enige ouer se gunsteling tyd nie, grootendeels weens hul kinders se verveeldheid. Denise het met verskeie kinders gesels oor wat hulle tydens skoolvakansies doen.
SANParke Ereveldwagters werk teen rommelstrooi
Die SANParke Ereveldwagters skop Paasnaweek af met 'n veldtog om besoekers aan die Krugerwildtuin aan te moedig om nie rommel te strooi nie. Pieter en Elsabe de Bruyn van die Laeveld-streek verduidelik hoe groot die probleem is, en wat die impak daarvan op die natuurlewe is. Om meer uit te…
Popia vir bemarkers: Deel 3
Die Wet op die Beskerming van Persoonlike Inligting (Popia) het op 1 Julie in werking getree en onkunde is nie 'n verskoning nie. Plaaslike bemarkingsafrigter, Alison Blair, het raad met hoe maatskappye Popia aan hul werknemers kan verduidelik om te verseker almal voldoen aan die vereistes.
Popia vir bemarkers: Deel 2
Die Wet op die Beskerming van Persoonlike Inligting (Popia) het op 1 Julie in werking getree en onkunde is nie 'n verskoning nie. Plaaslike bemarkingsafrigter, Alison Blair, vertel hoe veral bemarkers heel eenvoudig hulself met dié wet kan belyn. Sy deel die agt maklike stappe met Sanett.