Groot beleggings in Mpumalanga se pad-infrastruktuur beplan

‘n R400 miljoen opgradering van die Long Tom-pas word beplan om die pad veiliger te maak. Dit was een van die aankondigings die afgelope week deur Sanral.
Die agentskap het Dinsdag saam met die adjunkminister van vervoer, Sindisiwe Chikunga, in Lydenburg besoek afgelê om met die gemeenskap van Thaba Chweu-munisipaliteit oor hul opkomende projekte, en werksgeleenthede, te vergader.
Meer as R3 miljard is bewillig vir padkonstruksie en R350 miljoen vir die bestuur en instandhoudingswerk aan paaie in Mpumalanga.
Madoda Mthembu, Sanral se noordelike streek se bestuurder van operasies en instandhouding, sê padveiligheid en ekonomiese ontwikkeling loop vir hulle hand aan hand.