Polisievrou en haar suster in Kanyamazane vermoor

Twee susters is gisteraand in Kanyamazane doodgeskiet deur die een se mansvriend. Volgens Brigadier Selvy Mohlala het die verdagte en sy vriendin, Marcia Mazibuko, ‘n argument gehad. Haar suster, ‘n polisiesersant verbonde aan die Ngodwana-stasie, het tussenbeide getree. Die man het sy vriendin later geskiet in die kar waarin sy probeer vlug het. Sersant Pretty Mazibuko is in die huis geskiet voor die verdagte gevlug het. ‘n Mannejag is geloods. Polisie vra dat Rassie Nkuna hul kontak, aangesien hulle glo hy hulle in die ondersoek kan help.