Twee vas weens moord op 15-jarige

Twee manlike verdagtes van onderskeidelik 18 en 19 jaar oud sal na verwagting vandag in die Balfour-landdroshof verskyn op 'n aanklag van moord. Dit volg op die ontdekking van die lewelose liggaam van 'n 15-jarige meisie Vrydagoggend langs 'n vervalle en onvoltooide huis in die Goede-afdeling. Volgens die polisiewoordvoerder in Mpumalanga, Brigadier Selvy Mohlala, was sy halfkaal met 'n silwer stuk plastiek om haar privaatdele. Die eerste verdagte is Saterdagoggend gearresteer en die tweede verdagte later dieselfde dag.