DA verkla ANC oor water- en kragkrisis in Waterval-Boven
Loading player...
Die DA in Emakhazeni beoog om die Suid-Afrikaanse Vereniging vir Plaaslike Regering (Salga) te nader oor die ANC se hantering van ‘n mosie om die water- en elektrisiteitskrisis in Waterval-Boven en Belfast aan te spreek. Volgens DA-raadslid, Didi Hepburn, het die party verlede jaar die mosie ter tafel gelê, maar het dit nooit voor die raad gedien nie. Sy sê dit is onaanvaarbaar en dat die stadsbestuurder ‘n plig het om geskrewe tegniese insae van departementshoofde te verkry na so ‘n mosie ontvang is.