Lisensiebeamptes wat glo omkoopgeld vra in Mkhuhlu is op borgtog vrygelaat
Loading player...
Twee beamptes by die Bestuurderslisensie-toetssentrum in Mkhuhlu is vandag borgtog van 15-duisend-Rand elk toegestaan na hul hofverskyning op aanklagte van korrupsie. Volgens die Valke het Clifford Ngobeni en Manoko Mashaba omkoopgeld gevra om kandidate te help om hul leerlinglisensie-toetse te slaag. Na ‘n vrou die beamptes by die Valke aangegee het, het hulle Maandag toegeslaan toe sy die betaling maak. Ander het ook omkoopgeld betaal en 9-duisend-600-Rand is by die verdagtes gekonfiskeer. Die saak is uitgestel tot 26 Februarie vir verdere ondersoek.