Mkhondo-munisipaliteit sonder SB, HFB
Loading player...
Die DA in Mkhondo het ‘n beroep gedoen op die burgemeester, Ngelosi Ndhlovu, om dringend ‘n munisipale bestuurder en hoof finansiële beampte aan te stel. Dit volg na die termyne van die vorige twee op 31 Julie verstryk het, en die munisipaliteit geen stappe geneem het om die posisies te vul nie. Die DA-raadslid, Irene Brussow, sê gevolglik het dienslewering tot ‘n stilstand gekom. Sy sê die munisipaliteit kon ten minste toestemming gevra het om die termyne van die twee amptenare, wat waargeneem het in die poste, te verleng.
