Brandslagoffer sterf in Mpumalanga hospitaal
Loading player...
Die man wat verlede Dinsdag glo sy 23-jarige vriendin aan die brand gesteek het, het gister weer in die Carolina-landdroshof verskyn. Volgens die polisie in Mpumalanga het Innocent Sthembiso Maseko 'n vlambare vloeistof oor haar gegooi en dit aan die brand gesteek. Die slagoffer is deur bure gered. Sy is gister weens haar beserings dood. Die saak teen die die 34-jarige verdagte is tot 4 September uitgestel vir 'n formele borgaansoek. Hy bly in aanhouding.
