Bokke moet verbeter voor Kampioenskap-eindstryd teen Argentinië
Loading player...
Die Springbokke se skrumdokter, Daan Human, sê hulle het baie werk om te doen voor Saterdag se beslissende Rugbykampioenskap-wedstryd teen Argentinië in Mbombela. Die Poemas het Suid-Afrika die naweek in Santiago del Estero met 29-28 geklop om hul hoop op ʼn heel eerste Rugbykampioenskapstitel, lewend te hou. Die Rugbykampioenskap is sedert sy instelling in 2012 slegs deur Nieu-Seeland gewen met die uitsondering van 2015 en 2019 toe Australië en Suid-Afrika kampioene was in jare wat verkorte weergawes gespeel is weens Wêreldbekertoernooie wat plaasgevind het.