Linda Korsten kuier in Gister Se Grotes

Linda Korsten is een van 5 kinders van een van die grootste supersterre wat Suid-Afrika nog opgelewer het. Maar vir haar was Ge Korsten baie meer as net nog 'n naam op 'n plakkaat. Sy het hom pa genoem. Linda het as onderwyseres gekwalifiseer by die Universiteit van Pretoria. Waarna sy by die destydse SAUK aangesluit het om as produksie sekretaresse te werk vir die Afrikaanse Verskeindenheid Departement, waar sy primêr met musiekprogramme gewerk het. Sy het toe onder Louise Smit Produksies as vryskut regisseur begin werk en was later die regisseur van kinderprogramme soos Pumpkin Patch, Kideo, Bimbo en Ketonki.

Meer onlangs was regisseur en mede-vervaardiger van films soos Liefling en Pretville wat deesdae ook 'n landmerk is in Harties. Maar sy en haar man woon tans in Danabaai in die Suidkaap. Ons dink saam met haar terug aan die loopbaan van Ge Korsten.