#JouMenseMyMense – 11 September 2018
Loading player...
GROOTfm 90.5 — Ons het vroeër vanjaar by 11 jarige Divenette Streicher se Tannie, Cherize Steyn gaan kuier toe sy ons meer vertel het van hierdie dapper vegtertjie wie se blindederm gebars het na sy aanvanklik verkeerdelik met nierpypontsteking en blaasinfeksie gediagnoseer is. Divenette was ‘n maand en ‘n half in Steve Biko voor sy danksy die bydraes van weldoeners na Kloof Hospitaal oorgeplaas is. Dokters het vasgestel dat daar bakterieë in haar maag is wat haar dik- en dunderm vreet. ‘n Stuk van haar derms moes noodgedwonge ook verwyder word en hulle kon nie die derm weer terugsit nie.
Na 3 maande in Kloof Hospitaal en haar jong lyfie 23kg verloor het so tussen deur 18 operasies, is daar nou nog een groot operasie wat vir haar voorlê aan die begin van Oktober, maar om hierdie hekkie te oorkom, werk haar familie, Tannie Cherize en Oom Hendrian, Ouma Elize en Oupa Swannies onverpoos om die R120 000 in te samel wat hulle nodig het voor Divenette opgeneem sal kan word.
Hulle was nog altyd ‘n baie hegte familie, maar “ons het mekaar se asemhaling geword deur hierdie moeilike tyd,” sê Divenette se ouma Elize. “Jy moet nog lank kuier dat ek jou van al die wonderwerke kan vertel van hierdie prinses van ons.” ‘n Vegter-prinsessie wat droom om eendag juffrou of dokter te word! Toe ons by Mamma Minette en Divenette gaan inloer het by die huis, was ouma einste daar om te help met die skoolwerk. Divenette hoop sy kan volgende jaar weer by haar maats van Laerskool Queenswood aansluit.
Baie dankie vir die pragtige beertjie, bederf pakkie en bos blomme van SPAR en as jy dalk in die posisie is om ‘n bydrae te maak, kan jy gerus vir Cherize kontak: divenette2007@gmail.com of 084 450 7933
Na 3 maande in Kloof Hospitaal en haar jong lyfie 23kg verloor het so tussen deur 18 operasies, is daar nou nog een groot operasie wat vir haar voorlê aan die begin van Oktober, maar om hierdie hekkie te oorkom, werk haar familie, Tannie Cherize en Oom Hendrian, Ouma Elize en Oupa Swannies onverpoos om die R120 000 in te samel wat hulle nodig het voor Divenette opgeneem sal kan word.
Hulle was nog altyd ‘n baie hegte familie, maar “ons het mekaar se asemhaling geword deur hierdie moeilike tyd,” sê Divenette se ouma Elize. “Jy moet nog lank kuier dat ek jou van al die wonderwerke kan vertel van hierdie prinses van ons.” ‘n Vegter-prinsessie wat droom om eendag juffrou of dokter te word! Toe ons by Mamma Minette en Divenette gaan inloer het by die huis, was ouma einste daar om te help met die skoolwerk. Divenette hoop sy kan volgende jaar weer by haar maats van Laerskool Queenswood aansluit.
Baie dankie vir die pragtige beertjie, bederf pakkie en bos blomme van SPAR en as jy dalk in die posisie is om ‘n bydrae te maak, kan jy gerus vir Cherize kontak: divenette2007@gmail.com of 084 450 7933