Flinkdink speletjiesaand is terug

Loading player...
Raap jou slimste en skerpste vriende bymekaar en skryf as ’n span in vir Innibos se tweede Flinkdink op Donderdag, 19 Mei, om 18:00. Dit gaan nie net julle algemene kennis toets nie. In die Noot vir noot- en Beat the intro-afdeling kan die spanne mekaar lekker troef met hulle musiekkennis en luistervernuf. Die woordgeeste kan op hul beurt hulle slag wys met die blokraai, terwyl almal ’n gelyke kans staan in die gelukspel Bingo.
Vanjaar strek die pret en vermaak nóg verder: In die laaste Olimpiade-afdeling sal die Suikerbossie-spanne teen die luisteraars van 100.5FM (Radio Laeveld) meeding. Onthou om in te skakel indien jy nie self by Suidkerbossie kan wees nie maar nie die uitdaging wil misloop nie.
Andy Lubbe en Alison Linde het met Mireille gesels.
Besoek www.innibos.co.za om die inskrywingsvorm af te laai en kontak Linde by 082-460-3855 met enige navrae.
12 May 2022 Afrikaans South Africa Music · News

Other recent episodes

Sunbake ondersteun skole

Jabu Sethole van Sunbake was vanoggend in die ateljee saam met Andri en Neels om meer te vertel oor Sunbake se "Back to School"-inisiatief.
27 Aug 12 min

Pumas delf onderspit teen Boland, tekkel WP volgende

Die Sanlam Boland Kavaliers het ‘n terugkeer van ‘n agterstand van 21-3 gelewer, om die Airlink Pumas Vrydagaand met 29-26 in Mbombela te klop, wat hulle bo-aan die Curriebeker-puntelys plaas. Spanbestuurder, Sam Sikiwe, kuier by Sonop Ontbyt voor hul kragmeting Saterdag teen die WP in Kaapstad.
27 Aug 9 min

Dr. Peet van der Walt deel stories van sy ervaring

Dr. Peet van der Walt is 'n legende in natuurbewaring. Hy was lank die adjunkhoof van Natuurbewaring in Namibië en het 'n sleutelrol gespeel in die stigting van die oorgrens parke. Hy was by Charles in die ateljee tydens Saterdag Ontbyt.
26 Aug 16 min

911 Ride is vir Grace Baby Haven vanjaar

Die Mpumalanga 911 Riders fokus op Grace Baby Haven en die Teddy Bear Foundation vanjaar tydens hul jaarlikse rit ten bate van nie-winsgewende organisasies. Shaun Terblanche en Nandi de Witt vertel meer.
26 Aug 7 min

Ndlovu Jeugkoor sing vir erfenis

Die Ndlovu Jeugkoor hou op 7 September konsert in die botaniese tuin ten bate van die SANParke Ereveldwagters as deel van hul Erfenistoer. Ralf Schmitt gesels met Sonop Ontbyt.
25 Aug 10 min