PM gesels met die organiseerder van ‘n unieke kriekettoernooi

‘n Geskiedkundige plaas, Prior Grange in die Springfontein-distrik van die Suid-Vrystaat, is volgende naweek die tuiste van ‘n unieke kriekettoernooi met meer as 200 spelers van regoor Suid-Afrika. Die plaas wat sedert die 1800’s met geslagte heen in besit van die De Swardt-familie is, het twee volledige krieketvelde met 'n klubhuis en geriewe, en bied al vir die laaste twee dekades ‘n baie gewilde toernooi aan. Stephen de Swardt vertel van al die opwinding van volgende naweek.