Laeveld Lugskou weer die beste

Gerhard Smit van NDE spesialiseer in vlekvrye staal. Hy vertel vir Neels die materiaal kan homself regmaak.

Alicia Bullen het vroeër die maand geskiedenis vir Suid-Afrika gemaak deur die eerste Fitness Challenge-atleet te word wat die land by twee IFBB Fitness Challenge Wêreldkampioenskap-kompetisies verteenwoordig het. Bullen was een van slegs nege Suid-Afrikaanse atlete wat deelgeneem het en het drie medaljes in Santa Susanna, Spanje, verower.

Nog sowat R159,5 miljoen is die week aan die Mpumalanga Internasionale Varsproduktemark toegewys om hom kwansuis te operasionaliseer. Bosman Grobler van die DA wat al 10 jaar 'n ooggetuie is van die mark se ontwikkeling, bring ons op die hoogte van waar sake staan.

Die Laeveld Kwiltersgilde bestaan vanjaar reeds 35 jaar. Die huidige voorsitter, Amanda Brugman, vertel saam met Cathy Kotze wat hierdie vorm van naaldwerk behels. Om meer uit te vind, kontak hulle by 082-339-6465.

Die beplande 32 uur kragonderbreking vir West Acres is onbepaald uitgestel. Thea Rix sê dit was net te ongeleë nou met kinders wat nog eksamen skryf. Die beplande instandhoudingswerk moet egter steeds gedoen word. Sy gesels met Sonop Ontbyt.