Amper 60% van werksmag in informele sektor

Na raming maak 58 persent van Namibië se werksmag hul bestaan uit die informele sektor. Dit is onthul deur die uitvoerende direkteur in die ministerie van finansies, Michael Humavindu. Humavindu het vanoggend tydens die bekendstelling van die verslag getiteld Diagnostics of Informality in Namibia gesê dat die informele sektor se bydrae tot die BBP teen 2025 op 26,5 persent staan. Ten spyte hiervan het hy gesê dat die sektor tans in 'n baie bestraffende regulatoriese omgewing funksioneer, nie as 'n vennoot wat bemagtig moet word nie.