Kosmos 94.1 Nuus

IShowSpeed sê hy kom wel na Namibië

Loading player...
Ten spyte van mediaberigte wat anders beweer, het die gewilde Amerikaanse internetpersoonlikheid Darren Watkins Jr., algemeen bekend as iShowSpeed, bevestig dat hy soos beplan na Namibië sal kom. iShowSpeed, wat spog met meer as 47 miljoen intekenare, besoek tans 20 Afrikalande as deel van sy Africa Stream-toer. Verwarring oor sy aankoms in Namibië het die rondte gedoen nadat die Namibiese Burgerlugvaartowerheid gesê het dat sy privaatvlugpermitte nie betyds aan die lugvaartowerheid se vereistes voldoen het nie. iShowSpeed het egter vanmiddag tydens 'n regstreekse uitsending planne bevestig om Namibië steeds te besoek.
6 Jan 9AM Afrikaans South Africa News

Other recent episodes

Tollie-pryse dalk aan die daal

Die pryse vir tollies blyk om te daal. Die Lewendehawe en Lewendehawe Produkteraad het die nuutste vleispryse vrygestel. Bek-en-klouseer in die buurland veroorsaak onsekerheid wat Namibiese markte tot 'n mate raak. Die raad se bemarkingbestuurder, Desmond Cloete verduidelik.
25 Feb 10AM 1 min

BKS onder verse naby Mosselbaai bevestig

Die Tuinroete-distriksmunisipaliteit in die Wes-Kaap sê bek-en-klouseer is bevestig op 'n vers-plaas naby Mosselbaai, 21-kilometer noord van die oorsprong-plaas. ʼn Woordvoerder, Herman Pieters, sê kalwers van die oorspronklike plaas is Saterdag na hierdie eiendom verskuif. Hy sê alle vee op die betrokke plaas, asook ʼn buurplaas, is intussen ingeënt:
25 Feb 10AM 1 min

Unam bied nuwe sweisprogram aan

Unam het amptelik sy akademiese jaar vir 2026 geopen, met 'n totale inskrywing van 29 000 studente, waarvan 11 000 eerstejaarstudente is. Die universiteit se visekanselier, professor Kenneth Matengu, het gesê die akademiese jaar van 2026 word gekenmerk deur verbeterde studentebetrokkenheid, die integrasie van nuwe tegnologieë en voortdurende infrastruktuuropgraderings. Matengu…
25 Feb 10AM 1 min

Verslag onthul diepte van informele nedersettings-probleme

Namibië het tans 419 informele nedersettings, waarvan die meeste nie toegang tot basiese dienste het nie. Dit is onthul in die Namibiese Informele Nedersettings Basislynverslag wat vanoggend deur die Namibiese Statistieke-agentskap vrygestel is. Die Khomas-streek lei met meer as 213 000 mense wat in informele nedersettings woon, gevolg deur Erongo…
25 Feb 9AM 1 min
All episodes