Orrels en orreliste - Dr Isabelle van Rensburg, voorsitter van SAKOV

“Daar’s definitief ’n toekoms vir orrel … SAKOV probeer saam ’n toekoms vir orreliste in SA te verseker.” So vertel dr. Isabelle van Rensburg, voorsitter van SAKOV – die Suider-Afrikaanse Kerk- en konserteorrelistevereniging. Dit is vir haar ’n voorreg om gemeentes deur musiek in kontak met hulle Skepper te bring. Annabelle Lombard het met hierdie vereniging se nuutverkose hoof gesels en onder andere meer gehoor oor SAKOV se konservatorium vir kerkmusiek, musiekbeurse ook vir kerkorreliste en hulle nuwe rol by die Andrew Murray-toekenning vir Orrel en Kerkmusiek.