Kosmos 94.1 Nuus

Nsfaf-goedkeurings in spervuur, met aansoeke wat skerp styg

Loading player...
Klagtes stroom in oor Nsfaf-aansoeke wat sonder verduideliking afgekeur word, terwyl die spertyd vir registrasie by hoër onderwys-instellings besig is om te verstryk. Sommige studente is in koshuise en sê sonder die hulpfondse kan hulle nie betaal nie, wat hulle sal dwing om uit te trek, terwyl daar in die stad nie genoeg akkommodasie is nie. Volgens die fonds is die evalueringsproses steeds aan die gang, maar kon nie syfers verskaf oor hoeveel studente se aansoeke onsuksesvol was nie. Volgens Nsfaf is 50 069 aansoeke vir die 2026-akademiese jaar ontvang teenoor 41 322 aansoeke in 2025. Kosmos 94.1 Nuus het met Dorthea Nangolo, president van die Nasionale Namibiese Nasionale Studente-organisasie, Nanso gepraat.
20 Apr 12AM Afrikaans South Africa News

Other recent episodes

Die Dag Wat Was, 29 Junie 2026

Welkom by die Die Dag Wat Was, waar jy 'n oorsig kry van die belangrikste nuusgebeure, plaaslik en buite ons grense. As jy dalk 'n bullie misgeloop het deur die loop van die dag, gaan jy op die uur die hoofpunte kan volg. Daar is iets van alles, van die varsste nuus uit die howe tot die politiek en wyer. En soos gewoonlik kry jy dit net op een plek, en dis Kosmos 94.1! 
29 Jun 1PM 4 min

Regering verskerp beskerming van mariene hulpbronne

Namibië verskerp pogings om sy mariene hulpbronne te beskerm en internasionale samewerking in visserye en bewaring te versterk. Die minister van inligting, Emma Theofelus, sê die kabinet het 'n nuwe memorandum van ooreenkoms met Spanje goedgekeur om mariene navorsing, visserybestuur en kapasiteitsbou te bevorder. Die kabinet het ook Namibië se…
29 Jun 11AM 1 min

Madlanga-kommissie krap kop ná Khan-skietvoorval

Die Madlanga-kommissie gaan die senior misdaadintelligensie-offisier Feroz Khan se regsverteenwoordigers raadpleeg voor hulle besluit oor die pad vorentoe, nadat hy Sondagaand 'n skietvoorval oorleef het. Woordvoerder Jeremy Michaels sê Khan sal nie soos geskeduleer verskyn nie, terwyl die kommissie die uitwerking daarvan op sy program beoordeel. Hy beklemtoon die kommissie…
29 Jun 11AM 1 min

'CoW mislei inwoners,' sê aktivis

Nadat Stad Windhoek 'n uitnodiging wat deur die Khomas Ratepayers Association aan alle inwoners gerig is as misleidend bestempel het, het die woordvoerder van die vereniging, Shaun Gariseb, sterk gereageer. Volgens hom mislei die Stad die inwoners. Die uitnodiging is na wat die vereniging 'n kritieke vergadering met die volle…
29 Jun 11AM 1 min

Cran kry MTC voor stok oor data, diens

Kommer deur MTC-kliënte oor data wat vinnig verdwyn, onduidelike fakturering en algemene diensgehalte het Cran tot aksie gedryf. Die reguleerder het met MTC vergader om toesig te versterk en 'n tegniese verifikasieproses van stapel te stuur wat daarop gemik is om klagtes te ondersoek en verbruikersvertroue te herstel. Cran-woordvoerder Mufaro…
29 Jun 10AM 1 min
All episodes