Kommer oor regering se ad hoc-aanstellings

Kommer word uitgespreek oor die aanstelling van die uitvoerende direkteur van die justisieministerie, Ben Nangombe, as hoof van die Maatskaplike Voorsorgkommissie, te midde van bewerings dat hy aangestel is sonder om 'n formele onderhoudsproses te ondergaan. Daar word ook beweer dat Nangombe deur minister Wise Immanuel vir die pos gekies is. Politieke ontleder dr. Ndumba Kamwanyah het aan Kosmos 94.1 Nuus gesê dat die formele werwingsproses gestaak is ten spyte daarvan dat ander kandidate vir die pos aansoek gedoen het. Hy sê die huidige administrasie blyk 'n kommerwekkende patroon van ad hoc-aanstellings te volg.