Afrika se arbeid en maatskaplike uitdagings in hoofstad onder die loep

Windhoek is hierdie week middelpunt van Afrika se maatskaplike en arbeidsbeleidbesprekings, terwyl ministers, regeringsamptenare en vennote van regoor die vasteland bymekaarkom vir 'n driedaagse Afrika-Unie-vergadering oor indiensneming, maatskaplike ontwikkeling en -beskerming. Die uitvoerende direkteur van die arbeidsministerie, Ben Nangombe, sê die gesprekke is daarop gemik om samewerking te versterk en gekoördineerde reaksies op sommige van Afrika se dringendste arbeids- en maatskaplike uitdagings te ontwikkel.