#WeeksdaeVibesMetVenita - Daniel John | 28 Julie 

Sanger en liedjieskrywer Jann Klose en die Grammy-bekroonde Marcella Detroit gesels op #WeeksdaeVibes oor hul nuwe enkelsnit, “Hurting Nobody”. Charonike staan dié keer vir Venita in en gesels met Jann en Marcella oor die nuwe samewerking, die storie agter die liedjie en hoe “Hurting Nobody” ontstaan het.

Danie 'Reënwolf - van Spoegwolf' du Toit (Venita se nuwe naam vir hom 🤣) gesels met Venita oor sy Top4 finaliste wat deelneem aan die FAK Skryf'it liedjieskryfkompetisie. Hy vertel meer oor wat van die finaliste vir hom uitstaan en hoekom hy voel die wen liedjie lê by hom.

Johnny van Future Radio is hierdie week se #HOOF-Fokus op #ALT-Fokus met Venita. Hy verduidelik die rede agter sy nuutste enkelsnit, "Creep" en hoekom hy besluit het om 'n nuwe baadjie vir 'n Radiohead 'classic' aan te trek.

Lucian gesels met Venita om meer te vertel van sy nuuste enkelsnit "Ek kies om te glo". Hierdie 15-jarige het klaar sy droom en passie gevind, en nou kry hy die kans om dit te begin uit lewe. 

Die manne van Soulston Drive, Rhyno, Jaco en Stefan, het 'n draai kom maak by Venita om te gesels oor hulle debuut-enkelsnit, "Real". Dad Jokes en goeie musiek is beslis die “blueprint” van hierdie manne!