Nog 'n skoonmaakveldtog om vuil Windhoek op te knap

Stad Windhoek het te kampe met voortdurende vullisstorting en die stad is oor die algemeen vuil. Die stad se burgemeester, Sakarias Uunona, het sy skoonmaakveldtog by die Green Mountain-sokkerveld in die Samora Machel-kiesafdeling gelei onder die tema "Gaan Groen, Slaan die Plastiek Oor", met die klem op gemeenskapsbestuur en die vermindering van enkelgebruikplastiek om 'n volhoubare stad te bou. Hy het inwoners daaraan herinner dat netheid verder strek as basiese munisipale dienste, aangesien dit aktiewe omgewingsverantwoordelikheid van alle inwoners vereis.