Okh-polisie aangesê om hulle sokkies op te trek
Loading player...
Okahandja se adjunkburgemeester, Akser Aupindi, het die belangrikheid van leiers se teenwoordigheid in gemeenskappe beklemtoon, en die dorp se polisie gevra om hul sokkies op te trek en te verseker dat die gemeenskap terugvoer kry oor sake. Dit moet gebeur selfs in gevalle waar ondersoekbesonderhede nie volledig bekend gemaak kan word nie. Dit volg op 'n polisie-optrede in die dorp waarby die burgemeester, Ileni Mutumbulwa, afwesig was. Inwoners sê dit wys dat sy nie die gemeenskap se kommer en hartseer oor sekere kwessies deel nie. Dit sluit in die drie meisies wat meer as 'n jaar gelede in die dorp vermoor is en die onlangse saak van Da Silva Gowases wat deur 'n kroegeienaar met 'n panga aangeval is. Aupindi praat met Kosmos 94.1 Nuus:
