Soektog na vermiste mynwerkers duur voort
Loading player...
Die soektog na die drie oorblywende mynwerkers wat ondergronds vasgekeer is in Vantage Goldfields se Lily-goudmyn in Barberton, Mpumalanga, duur voort. Dit is dag ses van die reddingspoging. Die mynwerkers word sedert Vrydag vermis toe 'n vraghouer waarin hulle gewerk het, by 'n mynskag afgeval het. Dit is tans bedek met puin. Reddingspanne het gister geluide van waar hulle glo die vraghouer is, gehoor. Maryke Vermaak doen verslag.
