NK: Ses vas vir bedrog
Loading player...
Die polisie in die Noord-Kaap het gister ses verdagtes wat hulself glo as polisiebeamptes, wetstoepassingsbeamptes, en regeringsamptenare voorgedoen het, en glo honderde duisende rande van mense gesteel het, in hegtenis geneem. Polisiewoordvoerder, Olebogeng Tawana sê een van die verdagtes, ‘n pastoor van Modderrivier, het hom as ‘n verkeersbeampte voorgedoen en omkoopgeld van mense ontvang. Hy sê nog ‘n verdagte het hom as ‘n Transnetamptenaar voorgedoen, en geld van mense ontvang, met die voorwensel dat hulle tenders van hom sal ontvang. Die verdagtes het glo regoor die land mense deur middel van bedrog afgepers. Tawana sê nog twee nog mans, wat hulle as verkeersbeamptes voorgedoen het, is by Jan Kempsdorp aangekeer. - Mark Steenbok
