Vrystaat boere raadop oor mieliediefstal

Daar heers toenemende kommer oor die groot getalle misdadigers wat op geplante lande toeslaan. In sekere gevalle is daar bussies wat groepe van tussen agt en 15 persone aflaai en dan weer kom oplaai.
Volgens Rudi Jansen van Vuuren, veiligheidsverteenwoordiger van Vrystaat Landbou in die Allanridge en Odendaalsrus gebied, word daar in sekere gevalle veiligheidswagte oorrompel, boere gedreig en die toerusting gesteel waarmee die wagte moet kommunikeer. In sommige gevalle is van die veiligheidswagte ook by hierdie diefstal betrokke. Johan Gunter hoor meer van Dr Jane Buys veiligheidsrisiko-analis van Vrystaat Landbou.