Klimaatsverandering: verantwoordelikheid lê ook by produsente

Produsente kan nie van die realiteit van klimaatsverandering wegskram nie. Tydens vandag se eerste Nasie in Gesprek paneelbespreking by Graan SA se NAMPO Oesdag, het Agri SA hoof uitvoerende beampte, Johann Kotzé, gesê dat landbouers nie nog reëls en wetgewing nodig het om verantwoordelik te boer nie. Hy meen dat samewerking op alle vlakke – vanaf die regering, die bedrywe en die boere self nodig is om klimaatsverandering aan te spreek. Op sy beurt vertel Rooivleisbedryfdienste (RMIS) se Dewald Olivier dat die verantwoordelikheid by die produsent en die bedryf lê.