Vrystaat Kunstefees - Debuut produksie 'Die waarheid oor duiwe' al die pad van Australië

'die waarheid oor duiwe' is ‘n intieme musiekproduksie vir een vrouestem, ondersteun deur ‘n klavier en ‘n dwarsfluit. Die poësie van die bekroonde digter, Gisela Ullyatt, kry vlerke deur swewende melodieë, nostalgiese, gesproke teks en treffende visuele komponente. Iewers tussen klassieke en kontemporêre musiek vind elke gehoorlid ‘n raakpunt tydens dié aangrypende, eiesoortige Suid-Afrikaanse vertoning.
Karien Jordaan en Marli van der Bijl sluit aan by Yolanda Maartens in die OFM Kunsteklop om meer te vertel oor die besonderse debuut produksie. Kaartjies by Webtickets.