Omstrede artikels nie sonder beskerming teen magsmisbruik ingestel - Dirk Hermann

Dr. Dirk Hermann, bestuurshoof van die Solidariteit Beweging, sê die omstrede artikels oor taal en toelatingsbeleid in die Bela-wet kan nie ingestel word voordat Siviwe Gwarube, minister van basiese onderwys, ’n tydsraamwerk vasgestel het en die nodige norme, standaarde en regulasies ontwikkel het nie.

“Prakties beteken dit dat hierdie artikels nie onmiddellik in werking kan tree nie," sê Hermann.