Woord vir Vandag - 9 Jan 2025
Loading player...
“…As jy die lewe wil liefhê en goeie dae wil beleef, moet jy jou tong weghou van kwaadpraat…” 1 Petrus 3:10 NLV
Gebruik jou tong op die regte manier
Jou tong het kreatiewe krag. As jy daaraan twyfel, kritiseer bietjie iemand en let dan die kyk op hulle gesigte en hulle reaksie op. Komplimenteer dan iemand en let die kyk op hulle gesig en hulle reaksie op. Kom ons praat egter nie net oor die effek wat jou woorde op ander mense kan hê nie, maar die effek wat dit op jou kan hê. Die Bybel sê dat wanneer jy jou tong gebruik om goed te doen, sal jy die lewe liefhê en goeie dae beleef (sien 1 Petrus 3:10). Jesus gee ons ‘n kragtige illustrasie daarvan: ‘Dit verseker Ek julle, julle kan vir hierdie berg sê: ‘Mag God jou oplig en in die see gooi,’ en dit sal so gebeur. Al wat nodig is, is dat julle regtig sal glo en nie in julle harte twyfel nie’ (Markus 11:23 NLV). Wat het Jesus hiermee bedoel? Dat jy oor jou probleem kan praat, of met die groot probleemoplosser daaroor kan praat. Jy kan daaroor kla, of daaroor bid. Jy kan dit uit ‘n menslike perspektief waar jy op al die komplikasies fokus bespreek, of jy kan dit uit ‘n goddelike perspektief waar jy op God se krag om die omstandighede te verander fokus, bespreek. Jy kan jou moedeloosheid en wanhoop versterk deur dinge te sê soos: ‘Die probleem is te groot en ek kan niks daaraan doen nie.’ Of jy kan die probleem aan God gee en sê: ‘Hy moet geprys word – Hy wat mag het om deur die krag wat in ons werk, oneindig meer te doen as wat ons vra of dink om te vra’ (Efesiërs 3:20 NLV). Wanneer jy dit sê, gebruik jy nie net die kreatiewe krag van God se Woord nie, jy gebruik ook jou tong op die regte manier.
Gebruik jou tong op die regte manier
Jou tong het kreatiewe krag. As jy daaraan twyfel, kritiseer bietjie iemand en let dan die kyk op hulle gesigte en hulle reaksie op. Komplimenteer dan iemand en let die kyk op hulle gesig en hulle reaksie op. Kom ons praat egter nie net oor die effek wat jou woorde op ander mense kan hê nie, maar die effek wat dit op jou kan hê. Die Bybel sê dat wanneer jy jou tong gebruik om goed te doen, sal jy die lewe liefhê en goeie dae beleef (sien 1 Petrus 3:10). Jesus gee ons ‘n kragtige illustrasie daarvan: ‘Dit verseker Ek julle, julle kan vir hierdie berg sê: ‘Mag God jou oplig en in die see gooi,’ en dit sal so gebeur. Al wat nodig is, is dat julle regtig sal glo en nie in julle harte twyfel nie’ (Markus 11:23 NLV). Wat het Jesus hiermee bedoel? Dat jy oor jou probleem kan praat, of met die groot probleemoplosser daaroor kan praat. Jy kan daaroor kla, of daaroor bid. Jy kan dit uit ‘n menslike perspektief waar jy op al die komplikasies fokus bespreek, of jy kan dit uit ‘n goddelike perspektief waar jy op God se krag om die omstandighede te verander fokus, bespreek. Jy kan jou moedeloosheid en wanhoop versterk deur dinge te sê soos: ‘Die probleem is te groot en ek kan niks daaraan doen nie.’ Of jy kan die probleem aan God gee en sê: ‘Hy moet geprys word – Hy wat mag het om deur die krag wat in ons werk, oneindig meer te doen as wat ons vra of dink om te vra’ (Efesiërs 3:20 NLV). Wanneer jy dit sê, gebruik jy nie net die kreatiewe krag van God se Woord nie, jy gebruik ook jou tong op die regte manier.
