Itula kondig amptelike opposisieleier in NV aan

Die IPC-president Panduleni Itula het uiteindelik die kwessie van wie die leier van die amptelike opposisie in die parlement sal wees, opgelos. Dit is omdat hy self nie na die Nasionale Vergadering gaan nie. Hy het op 'n dringende perskonferensie burokrate gekritiseer omdat hulle probeer voorskryf hoe die party bestuur moet word. Hy het aangekondig dat die party Immanuel Nashinge as leier van die amptelike opposisie gedelegeer het.