Landbou waarsku oor nuwe aanlyn slenter

'n Plasing op sosiale media doen die rondtes dat die ministerie van landbou 'n inisiatief geloods het vir klein en mediumgrootte besighede. Volgens die plasing kan die besighede aansoek doen vir befondsing. Die plasing dui ook verder aan dat kleinskaalse boere ondersteuning sal kry, ook met toerusting. Belangstellendes moet op ‘n skakel klik om persoonlike inligting in te vul. Kosmos 94.1 Nuus het met Simon Nghipandulwa, die woordvoerder van die ministerie, gepraat. Hy waarsku teen die fopplasings.