Onluste in Ierland duur voort

Ses mense is gearresteer en 32 polisie-beamptes beseer tydens onluste in Ballymena in Noord-Ierland. Die oproer het Maandagaand uitgebreek na twee 14-jarige Roemeense seuns in die hof verskyn het op aanklagte van seksuele aanranding van 'n tienermeisie in die dorp, 45km vanaf Belfast. Die seuns het skuld ontken. Vier eiendomme wat deur brande beskadig is word deur die polisie as rasgemotiveerde haatmisdade beskou. Terwyl die polisie voorberei het vir nog moontlike onluste Woensdagaand, het assistent-hoofkonstabel Ryan Henderson 'n pleidooi aan oproeriges gelewer.