Goeie vooruitsigte vir konstruksie aan die kus

Konstruksietendense bly ongelyk, maar verbeterende krediettoestande kan binnekort die prentjie verander. Ekonoom Almandro Jansen van Simonis Storm het aan Kosmos 94.1 Nuus gesê dat Windhoek se bougoedkeurings met 19 persent gedaal het, wat dui op swakker aktiwiteit in die hoofstad, terwyl Swakopmund 'n dramatiese sprong van 119 persent aangeteken het. Met private kredietverlening-groei wat na verwagting bo ses persent sal bly en rentekoerse stabiel op 6,5 persent, kan die vraag na verbande herleef.