Naretu plaas sy visier op Namib Poultry

Die Namibiese Revolusionêre Vervoer en Vervaardigingsvakbond, Naretu, is deur die regsverteenwoordigers van Namib Poultry Industries aangesê om sy uitsprake oor die maatskappy te staak. Hulle sê dat Naretu valslik beweer dat die maatskappy rassistiese indiensnemingspraktyke gebruik, wit werknemers bevoordeel en op wit oppergesag gebou is. Dit is na bewering op sosiale media versprei en op NBC uitgesaai. Bowmans eis 'n terugtrekking en openbare verskoning binne sewe werksdae, en waarsku dat versuim om te voldoen, kan lei tot regstappe en 'n skadevergoedingseis. Kosmos 94.1 Nuus het met die vakbond se sekretaris-generaal Peterson Kambinda gepraat.