VN se Algemene Vergadering aanvaar resolusie vir vrede in Oekraïne

Die VN se Algemene Vergadering het Dinsdag, op die vierde herdenking van die Russiese inval in Oekraïne, 'n konsep-resolusie aangeneem wat op 'n omvattende, regverdige en blywende vrede in Oekraïne aandring. Die resolusie het met 107 stemme vir en 12 daarteen geslaag, terwyl 51 lidlande, waaronder Amerika, buite stemming gebly het. Die resolusie is deur Oekraïne aangebied met mede-borgskap deur 46 lande. Dit het ernstige kommer uitgespreek oor voortgesette aanvalle deur Rusland op burgers, burgerlike voorwerpe en kritieke energie-infrastruktuur, wat die humanitêre situasie vererger. Die Kiëf Universiteit vir Ekonomie het vroeër die maand 'n donasie-veldtog begin om vriesende studente te help. Die universiteit se president, Tymofiy Mylovanov, het meer oor die omstandighede.