Kosmos 94.1 Nuus

Vliegongeluk-oorledenes was Britse navorsers

Loading player...
Die Erongo-polisie het 'n opdatering van die dodelike vliegongeluk naby Gobabeb gegee. Die oorledenes was twee Britse navorsers, die 62-jarige Alan Martin Wilson en die 63-jarige Neil Thomas Oakman. Hulle en nog 'n Britse navorser, John Lowe, het op 25 Februarie in die land aangekom om navorsingswerk by Gobabeb te doen. Woensdag omstreeks 5-uur het Wilson en Oakman in hulle ligte vliegtuig opgestyg om sateliet-halsband-seine in die duine te probeer opspoor. Lowe het teen 7-uur bekommerd geword omdat hulle nog nie teruggekeer het nie. Hy het die hoof van die navorsingsentrum ingelig om in die omgewing te begin soek en hulle het later die wrak by die Gobabeb-landingstrook ontdek. Dit is nie bekend wie die loods was nie. Hafeni Mweshixwa van die direktoraat van vliegtuigongeluk- en voorvalondersoeke het vroeër met Kosmos 94.1 nuus gepraat.
5 Mar 8AM Afrikaans South Africa News

Other recent episodes

NamRA, belanghebbers vat grensbestuur vas

NamRA het ‘n raamwerk vir gekoördineerde grensbestuur met belangrike staatsinstellings, insluitend die polisie, haweowerheid, verskeie ministeries en die Lewendehawe en Lewendehawe Produktetaad onderteken. Die raamwerk versterk samewerking tussen grensagentskappe deur meganismes soos gesamentlike inspeksies, gekoördineerde beheermaatreëls en gestruktureerde inligtingdeling. NamRA-kommissaris Sam Shivute sê dit is belangrik vir belanghebbendes om saam…
5 Mar 10AM 1 min

Proteas het nie ge-'choke', net opstopper gekry: Shukri

Krieket: Die Proteas se afrigter, Shukri Conrad, sê hulle was eenvoudig nie goed genoeg in hul T20-Wêreldbeker-halfeindstryd teen Nieu-Seeland in Kolkata nie. Die onoorwonne Proteas was die gunsteling in die uitklop-kragmeting, maar Nieu-Seeland het hulle behoorlik ore aangesit met ’n oorwinning met nege paaltjies en ’n plek in die eindstryd…
5 Mar 10AM 1 min

Namibië uiters gewild by reuse ITB Berlin toerismeskou

Die ITB Berlin, een van die wêreld se grootste toerismeskoue, sluit vandag af. Die Namibiese Toerismeraad het die nasionale paviljoen gelei, ondersteun deur 20 mede-uitstallers. Kosmos 94.1 Nuus het met Matthias Lemcke, die direkteur van Europa by die raad gepraat.
5 Mar 9AM 1 min

Faksies in Swapo kom na vore, sê kundige

Die regering het hom tot dusver nie by enige kant in die oorlog in die Midde-Ooste geskaar nie, maar net die geweld veroordeel en 'n neutrale standpunt ingeneem. Swapo sekretaris-generaal Sophia Shaningwa het egter met die ambasadeur van Iran, Mohammad Baqer Beigi, by Swapo se nasionale hoofkwartier vergader. Sy het…
5 Mar 9AM 1 min

Lang rye by staatshospitale, klinieke kry aandag: Luvindao

Gesondheidminister Esperance Luvindao sê die ministerie poog om die chroniese opeenhoping by staatshospitale en -klinieke aan te spreek. Dit kom nadat parlementslede kommer uitgespreek het oor die openbare gesondheidsorgstelsel wat onder ernstige druk verkeer, met meer as 1 000 pasiënte wat soms agt uur lank by fasiliteite soos die Katutura-hospitaal…
5 Mar 9AM 1 min
All episodes