Gryp in by Nsfas, studente in geldkrisis: Nanso

Nsfaf het begin met uitbetalings van nie-klasgelde vir die 2026 akademiese jaar, maar weens die fakturering- en verifikasieprosesse tussen Nsfaf en tersiêre instellings sal almal nie hul fondse gelyktydig kry nie. Betalings word tans geprioritiseer vir studente wat voortgaan met hul studies. Uitbetalings vir nuwe begunstigdes sal begin sodra die kontrakteringsproses afgehandel is en bankkaarte suksesvol uitgereik is. Studente kla op sosiale media dat hulle in 'n finansiële krisis is, veral eerstejaars, omdat baie van hulle eers aan die einde van die maand of later hulle nie-klasgelde sal ontvang. Kosmos 94.1 Nuus het reaksie by die woordvoerder van die Namibiese Nasionale Studente-organisasie, Jessy Abraham gekry, wat sê laat betalings het 'n onaanvaarbare norm geword.