Regering tref 'noodreëling' met Vitol om brandstof te verskaf
Loading player...
Die regering het 'n ooreenkoms met Vitol Energy, eienaar van Vivo Energy Namibia, aangegaan om die alleenverskaffer van brandstof in die land van 1 Julie tot die einde van September vanjaar te wees, het energieminister Modestus Amutse Saterdag bevestig. Volgens Amutse is Vitol die enigste maatskappy wat bereid is om brandstof teen die basiese brandstofprys, sonder enige premies, te verskaf. Die ooreenkoms met Vitol is in nasionale belang om die verbruiker teen groot brandstofprysstygings te beskerm en daar is niks onderduims aan die transaksie betrokke nie, het Amutse gesê. Hy het daarop gewys dat die Nasionale Energiefonds, wat verbruikers tot dusver deur subsidies gebuffer het, bykans uitgeput is. Namibië het genoeg brandstof – die probleem is die prys daarvan, het Amutse gesê:
