Namcor het regeringswaarborg gevra daarom kry Vitol kontrak

Energieminister Modestus Amutse het in die parlement weereens die regering se besluit verdedig om Vitol as die enigste brandstofverskaffer vir 'n tydperk van drie maande aan te stel. Hy sê dat sommige maatskappye, insluitend die staatsbeheerde Namcor, regeringswaarborge gevra het wat die owerhede nie bereid was om te verskaf nie. Amutse het 'n verslag aangebied oor die besluit om die lisensie aan Vitol toe te ken, nadat parlementslede kommer uitgespreek het en duidelikheid oor die keuringsproses gevra het.