Ep. 32 - Dr. Ernst Baard - Biodiversiteit en bewaring: die wonder van die Wes-Kaapse skepping

Hy het sy loopbaan begin deur skilpaaie en paddas in Jonkershoek te bestudeer, en dit uitgebou tot 'n leeftyd se werk op die hoogste vlak van natuurbewaring in die Wes-Kaap. Dr. Ernst Baard sê natuurbewaring gaan nie net oor bokkies en blommetjies nie, dit gaan oor die stelsels wat ons lewe elke dag onderhou.

In hierdie episode gesels DJ Muller met Ernst oor waarom die Wes-Kaap ekologies so uitsonderlik is, watter bedreigings biodiversiteit vandag in die gesig staar, en waar daar steeds hoop is. Hulle sluit aan by Genesis 1:28 en vra wat verantwoordelike heerskappy oor die aarde in die praktyk beteken, vir 'n gewone lidmaat en gemeente.