Oranjerivier-besproeiingsboere bekommerd oor waterbeperkings

OFM-nuus se landbouredakteur, Sabrina Dean, gesels met Agri Noord-Kaap se Hoffie Joubert oor waterbeperkings wat glo ingestel gaan word op besproeiingsboere wat water uit die Oranje- en Vaalriviere trek. Joubert is van mening watergebruik, veral deur onwettige waterverbruikers, moet eers geverifieer word voordat sulke beperkings ingestel kan word. Hy sê beperkings sal veral ‘n slegte impak hê op boere wat kontantgewasse soos koring, gars en lusern moet besproei. Hy spreek ook sy kommer uit oor moontlikhede van water wat na bewering vanaf Lesotho na Botswana verskaf sal word.