Verbruikers ervaar geweldige mid-winter kosprysdruk

OFM-nuus se landbouredakteur, Sabrina Dean, gesels met die landbou-ekonoom, dr. Kobus Laubscher, oor die kosprysdruk waaronder verbruikers verkeer. Hy vertel in hierdie uittreksel uit die volledige onderhoud dat die nasionale landboubemarkingsraad bevind het dat kosinflasie in Junie vanjaar meer as 16% hoër is as verlede jaar. Hy vertel sekere produkte, soos beesvleissnitte en gevriesde hoenderporsies, het onderskeidelik met 71% en 59% gestyg.