Herroeping van droogte as 'n ramp wek talle vrae

TLU SA bevraagteken die regering se nasionale rampbestuursentrum se besluit om die klassifikasie van droogte as 'n nasionale ramp te herroep. Verskeie landbou-organisasies het hulle sterk daarteen uitgespreek. TLU SA se hoofbestuurder, Bennie van Zyl, wil weet waarop die regering sy besluit geskoei het, terwyl daar nog talle gebiede in die land is wat deur droogtetoestande geraak word. Hy sê tydens dié ramptydperk het kommersiële boere geen hulp ontvang nie. Dít terwyl die regering nou alles in die stryd moet werp om dié kosprodusente in produksie te hou. OFM-nuus se Christal-lize Muller het met hom gepraat...