Heerlikheid
Ontdek weer die heerlikheid van die evangelie. Die fokus is om ‘n meer diepgaande passie vir die Woord van God onder gelowiges te laat opvlam.
Psalm 12 - God en Sy Woord - Getrou en Betroubaar!
In Psalm 12 noem Dawid sy teëstanders by naam, en sê vir God waarmee hy worstel...hy wend hom opnuut na dié Een wie se Woorde Suiwer Betroubaar is...het jy jouself al na Hom gewend? God se Woord is getrou en betroubaar
Psalm 11 - Wat glo jy van God?
Glo jy dat God regverdig is, en geregtigheid sal laat geskied? Wat glo jy van Hom? In Psalm 11 praat Dawid hieroor, en ondersoek, en deel, Charles van Onselen die Heerlikheid wat in die Psalm opgesluit is, mag dit vir jou tot seen wees
Psalm 10 - Here, ek verstaan nie...
In Psalm 10 pen Dawid 'n pragtige eerlike lied neer van aanvanklike ontnugtering met die skynbare 'oorsien' van ongeregtigheid deur God. Was jy al daar? Luister saam na die Psalm, en sien hoe God se Woord tot Heerlikheid kom hierdeur. Here, ek verstaan nie...was jy al daar?
Psalm 9 - Die dood van die seun...mens is net mens
Net die tema alleen klink ongewoon, onrusbarend...dalk selfs onheilspellend...waarvan praat Dawid hier, en hoe skakel dit in by die verheerliking van God? Die mens is net 'n mens...Mag die saamkuier vir jou nuwe vars insigte en perspektiewe van Heerlikheid meebring
Psalm 8 - Die kroon van God se skepping
In hierdie treffende Psalm skryf Dawid oor die Heerlikheid van God, en weet jy dat jy deel is van Sy Heerlikheid! Jy is weinig minder as 'n hemelse wese gemaak, die kroon van Sy skepping....God is lief vir jou!
Psalm 7: Doen aan my reg
In hierdie besondere Psalm beroep Dawid homself op die Here as sy redder, maar hy gee homself ook oor in God se hande...dit is juis hierdie aksie van oorgawe, wat 'n rus by hom meebring. Mag die Psalm vir jou tot groot seën wees!
Psalm 6: In my benoudheid Here
In hierdie Boetpsalm van benoudheid gryp Dawid die hand van die Here aan op 'n besondere manier, luister saam en mag dit vir jou tot groot seen wees
Psalm 5: 'n More Offer
In die Psalm rig Dawid 'n more-offer aan die Here. Hoe lyk my, en jou, oggend offers aan ons Almagtige Hemelse Vader? Luister saam
Psalm 4: Jy is God se gunsgenoot
Psalm 4 is 'n treffende aandpsalm, waarin Dawid terug reflekteer op sy dag en besef dat hy God se gunsgenoot is en veilig by Hom is. Ons wat aan die anderkant van die kruis staan (as Dawid) is dit nog des te meer! Luister saam na Charles van Onselen en…
Psalm 3: Onregmatige Vervolging? God se Beskerming
Ervaar jy onregmatige vervolging? Dan is jy in goeie geselskap...Dawid het Psalm 3 gesing as 'n môrelied, en neergepen, onderwyl hy deur sy seun Absalom vervolg was. Wat moet ons doen wanneer ons onregmatig vervolg word? Luister saam na hierdie oorwinnings Psalm soos bespreek deur Charles van Onselen en Louwrens…
Psalm 2: Waarom woel die nasies (ons) so?
Waarom woel die nasies (so), en bedink die volke nietige dinge? Só begin Psalm 2; maar dit raak nie net die nasies nie...dit raak hartsnare nader aan die huis en hart as wat ons mag dink. Luister saam onderwyl Charles van Onselen en Jan van Schalkwyk die heerlikheid vanuit die…
Psalm 1: Liefdevolle vermaning
In die nuwe reeks van Heerlikheid gesels Charles van Onselen en Louwrens Viljoen oor die boek van Psalms, en vandag se prorgam, gaan oor Psalms 1. Hoe belangrik is dit vir ons as gelowiges om nog die advies van die Psalms te volg? Is die Psalms nog relevant vir vandag?…
Bou op die Rots
Charles van Onselen en Louwrens Viljoen gesels saam oor die belangrikheid van Jesus se woorde, naamlik, om op die Rots te bou: Mattheus 7:24-27 (1953) 24 Elkeen dan wat na hierdie woorde van My luister en dit doen, hom sal Ek vergelyk met 'n verstandige man wat sy huis op…
Vals Profete (vervolg) - Aan hul vrugte sal jul hul ken
Luister saam na die opvolg van Charles van Onselen en Louwrens Viljoen oor die dra van vals profete en goeie vrugte
Pasop vir Vals Profete
Jesus maan ons aan in Mattheus 7 om te pasop vir vals profete, wat bedoel Hy daarmee? Luister saam na hierdie oorsigtelike gesprek oor die tema ('n dieper, meer omvattende studie en bespreking mag later volg) Matt 7:15-18 (1953) 15 15 Maar pas op vir die valse profete wat in…
Die Twee Paaie
In Mattheus 7:13-14 praat Jesus van die 'twee paaie', wat bedoel Hy daarmee? Luister saam na Charles van Onselen en Louwrens Viljoen terwyl hul hieroor gesels.
Bergrede: Die Goue Reël - Doen aan ander...
Meeste gelowe en filosofieë verwys na die sogenaamde 'Goue Reël', vanuit 'n negatiewe invalshoek. 'Moenie aan ander doen wat jy nie aan jouself gedoen wil hê nie'. Jesus draai dit egter om, en stel dit in 'n positiewe lig wanneer Hy sê; ' 12 "Alles wat julle dan wil hê…
Bergrede: Brood
Watter een van ons as ouers, sal vir ons kinders klippe gee, as hul vir brood vra? Hoeveel te meer sal ons Hemelse Vader nie vir ons goeie gawes uit Sy hand gee, as ons vra daarvoor nie? Hierdie is Jesus se woorde vanuit Matteus 7:9-11, vry vertaal in ons…
Bergrede: Bid en vir julle sal gegee word...regtig?
Hoe baie van ons as gelowiges kan nie deel in die ervaring van 'onbeantwoorde gebed' nie? Of was dit werklik onbeantwoord...? Is God dan nie 'n waarmaker van Sy Woord nie? Verseker is Hy! Wat bedoel Jesus dus wanneer Hy sê “Bid, en vir julle sal gegee word; soek, en…
Begrgrede: Pas jou pêrels op
Jesus se stelling is redelik radikaal wanneer Hy sê: “Moenie wat heilig is, aan die honde gee nie; en gooi julle pêrels nie voor die varke nie, sodat hulle dit nie miskien met hulle pote vertrap en omdraai en julle verskeur nie.” MATTHÉÜS 7:6 AFR53 Wat bedoel Hy daarmee? Luister…