Le Roux, Van Staden terug vir Bulle teen Glasgow Warriors

Rugby: Die Springbok-heelagter Willie le Roux en flank, Marco van Staden, is terug in die Bulle-groep wat vanaand die verdedigende kampioene, Glasgow Warriors, in die Verenigde Rugbykampioenskap in Skotland takel. Le Roux, wat in Maart ʼn operasie ondergaan het, is op die bank terwyl Van Staden op nommer agt begin nadat hy verlede naweek se wedstryd teen Munster misgeloop het. Suid-Afrika se Onder-20-slot, Jacobus Grobbelaar, is gereed om sy debuut van die bank te maak. Die Bulle is derde op die VRK-punteleer, en vier punte agter Glasgow wat tweede is. Willem Strauss, die president van die Blou Bulle, het meer.