100.5FM Radio Laeveld LUISTER WEER
As dit op 100.5FM Radio Laeveld in Mpumalanga was kan jy dit hier op jou gemak weer luister.
Laeveld Deli uit Covid-nood gebore
Charmaine Lombard, 'n reisagent, moes tydens die Covid-pandemie 'n tweede inkomste begin genereer. Sy en haar man, Arno, het Laeveld Deli op die been gebring.
Vlamfees die week gevier
Bergvlam se jaarlikse Vlamfees is in volle swang die week. Hoofdogter, Milde Cronje, en onderhoofseun, Ailton Novele, vertel Skedaddle wat dit alles behels.
Verkiesing 2024: So werk drie stembriewe vanjaar
Kiesers sal tydens die algemene verkiesing later die maand hul kruisies op drie stembriewe aanbring. Steve Schormann gesels met Kies Koers oor hoe dit werk.
Hondeskou ten bate van DBV Witrivier
Die Witrivier-gemeenskap span saam om 'n hondeskou aan te bied met al die opbrengste wat die DBV in Witrivier ter wille sal wees. Pricille Smith van King Bean waar dit aangebied word, gesels saam met Lerna du Rand van Just Property en Felicity Lange met Sonop Ontbyt oor die Furr…
Vroue geïnspireer om uit te reik na ander
Eunice Combrink en Cecile Murray gesels met Amanda oor die uitreikaksies wat hulle in die Laeveld onderneem en die beweegrede daaragter.
Laeveld Lugskou hierdie naweek in Mbombela
Saterdag vind die Laeveld Lugskou, een van die grootste gemeenskapsgeleenthede in die Laeveld, by die Ou Nelspruit-lughawe plaas. Johan Heine en Naranda Leeuwner kuier by Skedaddle in die ateljee.
Ossewaens: Jouberts versamel en restoureer vir volgende geslag
Mariette Joubert van Joubert en Seuns het maar in 2018 begin om 'n jarelange versugting te bevredig: sy wou 'n ossewa hê, en het hulle intussen begin versamel en restoureer. Haar en manlief Kobus se versameling staan al meer as 50 waens sterk. Sy gesels oor dié passie.
Brandseisoen begin in die Laeveld
Die brandseisoen het amptelik afgeskop in die Laeveld. André Scheepers van Lefpa gesels met Sonop Ontbyt oor alles wat jy moet weet.
Reggio Emilia-benadering werk vir Penryn
Penryn Prep pas die Reggio Emilia benadering in hul voorskoolse klasse toe, en dit werp ongelooflike vrugte af. Die hoof, Nicole Meyer, gesels met Amanda en Coenie oor wat dit behels.
Ruan du Toit kuier in Laeveld
Ruan du Toit is in die Laeveld vir 'n vertoning (wat reeds uitverkoop is) ten bate van Moving Mountains. Hy het in die ateljee kom kuier.
Groot makietie by botaniese tuin
HunTer Leite, Soné en Scallywag is van die kunstenaars wat vandag vir Jamie Fine open tydens haar konsert by die Laeveld Botaniese Tuin. Hulle het in die ateljee kom inloer.
Sabie Mast help troeteldierbevolking in bedwang hou
Die Mass Animal Sterilization Trust (Mast) in Sabie hou gereelde uitreikaksies na omliggende areas waar hulle mense se troeteldiere vir hulle steriliseer. Debbie Moller sê hul fondsinsameling op 1 Mei help om hierdie noodsaaklike diens te befonds.
Aardedag gevier
Richard Davis van EcoTraining gesels met Skedaddle op Wêreld Aardedag.
Lulu op pad na Paralimpiese Spele
Juané "Lulu" le Roux (17) gaan vanaf Augustus in Parys, Frankryk, aan die Paralimpiese Spele deelneem. Die Hoërskool Nelspruit-leerling neem in die F46-klas aan gewigstoot en spiesgooi deel. Sy kuier saam met die skool se DP Badenhorst in die ateljee.
So werk spesiale stemme in Mei
Jy het tot 3 Mei om aansoek te doen om 'n spesiale stem uit te bring met die komende algemene verkiesing. As jy bejaard of swanger is, op stemdag moet werk of weg van jou stemlokaal moet wees kan jy al 27 of 28 Mei gaan stem. Thea Rix verduidelik…
SACBW netwerk met pret
Die South African Council for Business Women (SACBW) het al takke in Nelspruit en Witrivier. Secunda het eersdaags hul eerste vergadering en Nkomazi is in die proses om gestig te word. Estelle Roe en Annelize Marais vertel meer oor die voordele van lidmaatskap en hul volgende netwerksessie.
Serebrale gestremdheid kan Cameron Meyer nie keer nie
Cameron Meyer het serebrale gestremdheid. Dit is egter nie iets wat hom terughou nie. Boonop is so spesiaal dat die rugbyspelers van sy skool, Penryn, en Uplands by die derby verlede naweek hom 'n speelkans gegee het, Hy kon selfs 'n drie gedruk. Hy kuier saam met Keagan du Preez,…
Blind Guys open nuwe vertoonlokaal in Mbombela
100.5FM saai môre regstreeks uit vanaf Blind Guys se nuwe vertoonlokaal wat hulle amptelik in Mbombela open. John le Roux gesels met Skedaddle.
Pumas môre tuis teen Luiperds
Die Airlink Pumas en Suzuki Griekwas bly onoorwonne in die SA Beker-reeks met die poubloues bo-aan die punteleer weens hul beter punteverskil. Die pienktruie speel die naweek weer tuis, teen die Luiperds by Nelspruit-rugbyklub Saterdagmiddag. Hulpafrigter, Corné Steenkamp, gesels met Sonop Ontbyt.
Sabie vir 100 jaar bestaan met Forest Festival
Sabie is vanjaar 100 jaar oud. Vanaf Saterdag vier hulle vir 'n week dié mylpaal met die Forest Festival. Die organiseerder, Denzil Lawrie, vertel meer.