100.5FM Radio Laeveld LUISTER WEER
As dit op 100.5FM Radio Laeveld in Mpumalanga was kan jy dit hier op jou gemak weer luister.
Suksesverhaal op digitale opsitkers
Ryan en Dominique het aanlyn ontmoet. Hulle is nou nege jaar saam en sewe jaar getroud. Hulle vertel vir Sonop Ontbyt oor hul sukses met 'n digitale opsitkers.
NHS Rhinos witwarm die seisoen
Die Rhinos, Hoërskool Nelspruit se eerste rugbyspan, was witwarm in hul afgelope drie wedstryde in die Noordvaal-beker deur sterk spanne in Garsfontein, Monument en Menlopark te wen. Die afrigter, Hennie Skorbinski, en kaptein, Ian Wood, gesels met Skedaddle.
Daar is heuning en dan is daar heuning
Inge Austin, 'n plaaslike byeboer, is onlangs verkies tot die ondervoorsitter van Sabio, wat die byebedryf reguleer. Die hele komitee bestaan vir die eerste keer uit slegs vroue. Sy gesels oor bye en wat die verskil is tussen regte, egte heuning en dit wat ingevoer word.
Pumas oorrompel Griekwas gemaklik
In 'n hoëpunt-Curriebekerwedstryd wat 92 punte gelewer het, het die Airlink Pumas Sondag die Suzuki Griekwas met 66-26 oorrompel by Mbombela-stadion. Die span van Mpumalanga het nege drieë gedruk - terwyl die besoekers tot vier beperk is, wat tog aan die Griekwas 'n bonuspunt besorg het. Afrigter, Jimmy Stonehouse en…
Advies van sakelui: Glaudia Maulgue
Glaudia Maulgue van Gin-ilicious deel raad wat haar onderneming haar geleer het.
Lowveld Coffee Festival plaas kollig op plaaslike verbouers
Wynand le Roux en Coetzee Smit is koffieliefhebbers wat met Church Unlimited hande geneem het om in Augustus die eerste Laeveld Coffee Festival aan te bied. Hulle gesels oor plaaslike koffie.
Kreatiwiteit vloei by Softmoon Pixie
Ruth Grobler beskryf Softmoon Pixie se juwele as vir hippies en die onderneming as 'n familie-besigheid.
Lighthouse Church bied gemeenskap vir 100 kinders
Past. Alfred Kariukivan die Nelspruit Lighthouse Church in Mataffin in Mbombela het sowat ses jaar gelede 'n sopkombuis begin wat as die aansluitingspunt gedien het om vir die kinders die buurt 'n gemeenskap van ondersteuning te ontwikkel.
Pumas slaggereed vir Griekwas die naweek
'n Vasberade Airlink Pumas het vyf keer onder die pale gaan kuier om die Haaie Vrydagaand in Durban met 31-21 te klop. Hierdie naweek speel hulle tuis teen Griekwas. Jimmy Stonehouse en Marius van Rensburg vertel dat sportklere vir skoolspanne op die spel is vir die plaaslike skool wat die…
Kind in hospitaal in gepootjie: Pa pleit vir bewustheid
Gerhard Sinden se 10-jarige dogtertjie het haar hand gebreek na sy verlede week op die trappe by Laerskool Lydenburg deur 'n ander kind gepootjie is. Hy is besorg daaroor dat kinders mekaar boelie, of soms nie die gevaar besef van wat hulle as 'n streek bedoel nie. Hy wil ook…
Advies van sakelui: Cindy Hart-Dorfling
Cindy Hart-Dorfling van Earthly Collection staan ook bekend as die “Kaftan Lady” van die Laeveld.
Dokter gerat vir On Trac-tor 2024
Dr. André Hattingh vertrek Sondag op sy 3 500 km trekkerrit oor die land om fondse in te samel vir Pediatric Care Africa.
So lyk die huismark in die Laeveld
Hoe sien die huismark in die Laeveld tans daar uit, met rentekoerse wat al etlike maande die hoogste is wat dit in 11 jaar was? Ilana Hattingh van Better Bond gesels met Kies Koers.
Infinite Grace sopkombuis beplan broodnodige uitbreiding
Die Infinite Grace sopkombuis in Elandskloof voer daagliks 200 kinders. Na ses jaar is hulle op 'n missie om die gebou uit te brei om in die kinders se behoefte te voldoen. Eliska Muller van die NG-kerk Westergloed en Petsile Zulu gesels met Amanda oor dié Lowveld Outreach Project.
Gunstige weerstoestande laat brandbestryders (tydelik) asem skep
André Scheepers van die Laeveld-brandbeskermingsvereniging (Lefpa) beraam dat sowat 15 000 ha in die Laeveld gebrand het sedert veldbrande 11 dae gelede uitgebreek het. Hy bedank almal in die gemeenskap wat die brandbestryders ondersteun en waarsku dat dit nog 'n lang brandseisoen gaan wees.
Skole kan groot wen met MBN Clothing
Die Pumas-afrigter was redelik geskok met sy span se vertoning die naweek in hul Curriebeker-wedstryd teen die Leeus, maar belowe hulle sal verbeter. Hy kuier saam met Leone Liebenberg from Must be Nice Clothing in die ateljee om te vertel van die opwindende prys wat die skool kan wen wat…
Drie brande woed voort in Laeveld te midde van baie hoë brandgevaar
Die Laeveld-brandbestryders-vereniging beveg steeds drie uitdagende brande. Volgens André Scheepers van Lefpa is hulle in die Bosbokrand-, Kaapsehoop- en Machadodorp-areas. Hy sê dit word aangedryf deur die wind te midde van warm, droë toestande met die bandgevaar-indeks wat vandag “baie gevaarlik” is. Sewe helikopters en vier vastevlerk-vliegtuie sowel as verkenningsvliegtuie…
Oud-Nellie op pad na Olimpiese Spele
Ashley Erasmus het gedink sy mik vir die Olimpiese Spele oor vier jaar, maar sy is verlede Vrydag in kennis gestel dat sy gekwalifiseer het vir Parys. Sy het by die onlangs Afrika-atletiekkampioenskappe in Kameroen die eerste Suid-Afrikaanse vrou geword om verder as 18 m in gewigstoot aan te teken…
Pumas wil Leeus voor domineer in Curriebeker-kragmeting Vrydag
Die Airlink Pumas sê môre by Mbombela-stadion die Leeus die stryd aan in hul eerste tuiswedstryd in die 2024 Curriebeker. Ruwellyn Isbel, krag- en kondisioneringsafrigter, en Corné Steenkamp, hulpafrigter, gesels met Sonop Ontbyt.
Ergste brande in lang tyd woed in Laeveld
Die Laeveld ervaar tans die ergste brandseisoen wat dit in jare beleef het. Boonop verwag André Scheepers van die Laeveld-brandbeskermingsvereniging dat dit gaan volhou tot dit in Oktober begin reën.